མི་དམངས་དྲ་བའི་འཕྲིན། ཧ་སག་སི་ཐན་སྤྱི་མཐུན་རྒྱལ་ཁབ་ཀྱི་སྲིད་འཛིན་ནཱ་ཀྲར་པཱ་ཡེ་ཕུའུ་ཡིས་གདན་ཞུ་གནང་བ་ལྟར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་ཟླ་6ཚེས་7ཉིན་ནས་ཚེས་10ཉིན་བར་ཧ་སག་སི་ཐན་སྤྱི་མཐུན་རྒྱལ་ཁབ་ལ་རྒྱལ་དོན་འཚམས་འདྲི་གནང་བར་ཕེབས་པ་མ་ཟད། ཧྲང་ཧའེ་མཉམ་ལས་རྩ་འཛུགས་ཀྱི་ཁོངས་ཞུགས་རྒྱལ་ཁབ་ཀྱི་གཙོ་འཛིན་ལས་འཛིན་ལྷན་ཚོགས་ཐེངས་བཅུ་བདུན་པའི་གྲོས་ཚོགས་དང་ཨ་སི་ཐ་ནཱ་གྲོང་ཁྱེར་གྱི་ཆེད་དོན་འཛམ་གླིང་དངོས་མང་སྟོན་ཚོགས་ཀྱི་འགོ་ཚུགས་མཛད་སྒོ་གཉིས་ལ་ཞུགས་པ་རེད། གོང་གི་པར་རིས་ནི་ཟླ་6ཚེས་7ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་ཨ་སི་ཐ་ནཱ་གྲོང་ཁྱེར་གྱི་གནམ་གྲུ་འབབ་ཐང་དུ་འབྱོར་ཞིང་། ཧ་སག་སི་ཐན་གྱི་སྲིད་བློན་གཞོན་པ་དང་པོ་མཱ་མིང་སོགས་ཀྱིས་སྤྲོ་སེམས་ཁོལ་བའི་ངང་དགའ་བསུ་ཞུས་གནང་བ།